چیلنج کپ ون ڈے کلب کرکٹ ٹورنامنٹ ‘ سیمی فائنلز اور فائنل کیلئے میچ آ فیشلز کا اعلان

لاہور(سپورٹس رپورٹر+نمائندہ سپورٹس)چیلنج کپ ون ڈے کلب کرکٹ ٹورنامنٹ کے سیمی فائنلز اور فائنل کیلئے میچ آ فیشلز کے ناموں کا اعلان کردیا گیا ہے ۔ آئی سی سی امپائر ضمیر حیدر ٹورنامنٹ کا فائنل میچ سپر وائز کریں گے۔ ٹورنامنٹ کے امپائرزمنیجر تصدق جمال شیخ نے آرگنائزنگ کمیٹی کے پیٹرن انچیف شیخ محمد ابراہیم کی منظوری کے بعد سیمی اور فائنل میچ آ فیشلز کے ناموں کا اعلان کیا۔ پی سی بی کے سینئر میچ ریفری میاں پرویز اختر فائنل میچ میں میچ ریفری کے فرائض انجام دیں گے۔