فلسطین نے دوستانہ فٹبال میچ میں پاکستان کو ہرا دیا

لاہور(سپورٹس رپورٹر+نمائندہ سپورٹس) پاکستان فلسطین دوستانہ فٹبال میچ میں قومی ٹیم کو فلسطین نے 1-2 سے ہرادیا۔رام اللہ میں ہونے والے دوستانہ میچ میں پاکستانی ٹیم نے میچ کے آغاز میں انتہائی عمدہ کھیل پیش کیا اور 70ویں منٹ میں کپتان صدام حسین کے خوبصورت پاس پر حسن بشیر کے ذریعے گول کرنے میں کامیاب ہو گئی۔بعد ازاں فلسطینی ٹیم نے عمدہ کم بیک کیا اور پہلا ہاف ختم ہونے سے چند منٹ قبل مقابلہ 1-1 گول سے برابر کرنے میں کامیاب ہو گئی، یہ گول الیکسز نے کیا۔دوسرے ہاف میں دونوں ٹیموں نے ایک دوسرے پر برتری حاصل کرنے کی بھر پور کوشش کی۔ فلسطین کی ٹیم76ویں منٹ میں ناظمی البداوی کے ذریعے دوسرا گول کرنے میں کامیاب ہوگئی۔ فلسطین کے صدر محمود عباس کی طرف سے پاکستان فٹبال ٹیم کے اعزاز میں پروقار تقریب کا اہتمام کیا گیا۔تقریب میں قومی کپتان صدام حسین سمیت کوچز اور تمام کھلاڑیوں نے شرکت کی۔ فلسطین کے صدر محمود عباس نے گرین شرٹس کا پرتپاک استقبال کرتے ہوئے کہا کہ پاکستان اور فلسطین کے دل ایک ساتھ دھڑکتے ہیں۔ انہوںنے پاکستان ٹیم کے ساتھ تصاویر بھی بنوائیں ۔