مانسہرہ (اے پی پی) اوگی کے علاقہ سیری بیربٹ کی تین سالہ بچی کھیلتے ہوئے گھر کے قریب کنویں میں گر کر جاں بحق ہو گئی۔ تفصیلات کے مطابق گائوں سیری بیربٹ میں سمیع کی تین سالہ بیٹی کھیلتے ہوئے گھر کے قریب کنویں میں گر نے سے جاں بحق ہوگئی۔ لواحقین بچی کو ارد گرد تلاش کر رہے تھے۔ بچی کی نعش کچھ دیر بعد کنویں سے ملی۔ بچی کو مقامی قبرستان میں سپرد خاک کر دیا گیا ہے۔ نماز جنازہ میں کثیر تعداد میں لوگوں نے شرکت کی۔