منشیات فروشوں کیخلاف کریک ڈاون میں گرفتارملزموں کی تعداد724ہوگئی

لاہور(نمائندہ خصوصی)منشیات فروشوںکیخلاف کریک ڈاؤن کے دوران ابتک724منشیات فروشوں کو گرفتار کر کے ان کے خلاف شہر کے مختلف پولیس سٹیشنز میں 699مقدمات درج کئے جا چکے ہیں۔ تفصیلات کے مطابق شہرکے مختلف سکولوں، کالجوں یونیورسٹیز کے گردونواح میں کارروائی کرتے ہوئے سٹی پولیس نے 152، کینٹ 137، سول لائن62، صدر150، اقبال ٹاؤن99جبکہ ماڈل ٹاؤن پولیس نے124منشیات فروشوں کو گرفتار کیا۔گرفتار ملزموںکے قبضہ سے 244 کلوگرام سے زائد چرس،963 گرام ہیروئن، 400.5 گرام آئس،1240نشہ آور کیپسول، 24کلو گرام سے زائد افیون،11کلوگرام سے زائد بھنگ اور6293لِٹر شراب برآمدکی گئی۔ڈی آئی جی آپریشنز لاہوراشفاق خان نے کہا کہ نوجوان قوم کا مستقبل ہیں۔