لاہور(سپیشل رپورٹر)لاہور آرٹس کونسل کے زیر اہتمام تیسری دس روزہ الحمراء قومی نمائش کا انعقاد کیا گیا۔نامور آرٹسٹ سعید اختر،چیئرپرسن الحمراء منیزہ ہاشمی نے ایگزیکٹوڈائریکٹر الحمراء اعجاز احمد منہاس کے ہمراہ نمائش کا افتتاح کیا۔ منیزہ ہاشمی نے کہا کہ الحمراکا پلیٹ فارم آرٹ کی بھرپور حوصلہ افزائی کر رہا ہے،مصوری میں پاکستان کا دْنیا میں منفرد مقام ہے،فن کے فروغ میں الحمراء کی کاوشیں قابل تقلید ہیں،نیشنل ایگزی بیشن کی کامیابی پر مبارکباد پیش کرتی ہوں۔ ایگزیکٹو ڈائریکٹر الحمراء اعجاز احمد منہاس نے کہا کہ آرٹ معاشرتی ہم آہنگی کا باعث اور خوبصورت سماجی زندگی کے پہلوؤں کو نمایاں کرتا ہے، نمائش کا ہر فن پارہ شاہکار،پاکستانی آرٹسٹوں کی مہارتوں کے اظہار کیساتھ اپنے اند ر پیغام رکھتا ہے۔