پی ایس ایل 7کا ڈرافٹ دسمبر کے دوسرے ہفتے ہونے کا امکان 

لاہور(سپورٹس رپورٹر)پاکستان سپر لیگ سیزن سیون کا ڈرافٹ دسمبر کے دوسرے ہفتے میں ہونے کا امکان ہے۔ ذرائع کا کہنا ہے کہ پی ایس ایل سیون کا ڈرافٹ 8 سے 10 دسمبر کے درمیان ہوسکتا ہے۔ذرائع کا بتانا ہے کہ کھلاڑیوں کی ری ٹیشن اور ڈرافٹ کیلئے کرکٹرز کی فہرست پر کام جاری ہے۔واضح رہے کہ لیگ کا آئندہ سیزن جنوری کے چوتھے ہفتے میں شروع ہوگا، پی ایس ایل کے پہلے مرحلے کے میچز کراچی جبکہ دوسرے مرحلے کے میچز لاہور میں کرائے جانے کا امکان ہے۔ محمد رضوان کی قیادت میں پی ایس ایل 6 کی ٹرافی ملتان سلطانز نے جیتی تھی۔