مصر میں بچھووں کے کاٹنے سے 3افراد ہلاک، 500سے زائد زخمی

مصر میں شدید طوفانی بارشوں کے بعد بچھووں کی یلغار پر اب تک 3افراد ہلاک جبکہ 500سے زائد زخمی ہوچکے ہیں۔گزشتہ ہفتے کی شدید بارشوں کے بعد سیلابی ریلوں نے بچھووں کو ان کے بلوں سے نکال کر دوردراز علاقوں تک پہنچادیا ہے۔حکومت نے طبی مراکز میں بچھو اینٹی وینم کی بڑی خوراکیں پہنچائی ہیں جبکہ اسپتالوں میں ایمرجنسی نافذ کرکے ڈاکٹروں کی چھٹیاں منسوخ کردی گئی ہیں۔انتظامیہ نے شہریوں سے درخواست کی ہے کہ وہ بیابان، سبزے اور درختوں کے قریب نہ جائیں اور گھروں تک محدود رہیں۔