چین نے  5 سیٹلائٹ‘ امریکہ نے آرٹیمس 1 چاند مشن خلا میں بھیج دیئے

لاس اینجلس‘ جیو چھوآن (شِنہوا) چین نے کیریئر راکٹ سی ای آر ای ایس-1 وائی 4 کے ذریعے کمرشل سیٹلائٹ کے ایک گروپ کو خلا میں بھیجا ہے۔ راکٹ کو ملک کے شمال مغرب میں واقع جیوچھوآن کے سیٹلائٹ لانچ سنٹر سے دوپہر 2 بج کر 20 منٹ (بیجنگ ٹائم) پر روانہ کیا گیا جس کے ذریعے پانچ جیلن-1 گافین 03 ڈی سیٹلائٹس کو مقررہ مدار میں بھیجا گیا۔ راکٹ کے ذریعے خلا میں بھیجے گئے سیٹلائٹس کمرشل ریموٹ سینسنگ خدمات فراہم کرنے کے لیے استعمال کیے جائیں گے۔ بیجنگ میں قائم راکٹ ساز کمپنی گلیکٹک انرجی کا تیار کردہ سی ای آرای ایس-1 ایک چھوٹے پیمانے پر ٹھوس پروپیلنٹ کیریئر راکٹ ہے جو مائیکرو سیٹلائٹس کو زمین کے نچلے مدار میں بھیجنے کی صلاحیت رکھتا ہے۔ دوسری طرف ناسا نے 2 ناکام کوششوں کے بعد آرٹیمس 1 چاند مشن کا آغاز کرتے ہوئے ایجنسی کے میگا مون راکٹ اور اس سے جڑے اورین خلائی جہاز کو چاند کے گرد چکر لگانے کے سفر پر روانہ کر دیا ہے۔ مشرقی وقت کے مطابق 1بجکر 47 منٹ قبل از سحر (دوپہر 11 بجکر 47 منٹ پاکستانی وقت ) پر سپیس لانچ سسٹم راکٹ اور اورین خلائی جہاز کو فلوریڈا میں ناسا کے کینڈی سپیس سنٹر سے روانہ کیا گیا۔