ون وے کی خلاف ورزی،61افرادکے چالان، 8موٹر سائیکل تھانوں میں بند  

راولپنڈی(اپنے سٹاف رپورٹر سے)سٹی ٹریفک پولیس راولپنڈی کے مری روڈ سرکل نے ون وے کی خلاف ورزی پر61افرادکو چالان ٹکٹ جاری کر دیئے جبکہ8موٹر سائیکل تھانوں میں بندکر دیئے انچارج ٹریفک مری روڈ سرکل عامر مشتاق نے اپنے سرکل میں کاروائی کے دوران کہا کہ شاہراہوں پر ون وے کی خلاف ورزی نہ صرف حادثات بلکہ بعض اوقات ٹریفک جام کا سبب بھی بنتی ہے لہٰذا ون وے کی خلاف ورزی کرنے والوں کے خلاف زیرو ٹالرنس کے احکامات جاری کئے گئے ہیں اور چالان کے ساتھ ان کے لائسنس بھی معطل کئے جائیں گے۔