لاہور (سپورٹس رپورٹر ) پاکستانی فاسٹ بائولر محمد عباس نے انگلینڈ کی کاؤنٹی چیمپئن شپ کے اگلے دو سیزن کیلئے ہیمپشائر کرکٹ کلب کے ساتھ بطور اوور سیز کھلاڑی معاہدہ کیا ہے۔ ہیمپشائر کے ڈائریکٹر آف کرکٹ، جائلز وائٹ نے کہا کہ دائیں ہاتھ کے تیز گیند باز گزشتہ دو سیزن میں ناقابل یقین کارکردگی دکھانے والے اور کلب کیلئے بہترین رول ماڈل ہیں۔محمد عباس نے کہا کہ وہ نئے معاہدے پر دستخط کرنے اور مزید دو سال تک ہیمپشائر کائونٹی کیساتھ رہنے پر خوش ہیں۔مجھے ایجاس باؤل میں اپنا وقت بہت اچھا لگا اور میں کاؤنٹی چیمپئن شپ میں اپنی باولنگ کے ذریعے ٹیم کو آگے بڑھانے میں مدد کرنے کا منتظر ہوں۔