نگلینڈکیخلاف ٹیسٹ سیریزچیلنج‘اچھا کھیلیں گے : عبد اللہ شفیق 

لاہور ( سپورٹس رپورٹر) ٹیسٹ کرکٹر عبداللہ شفیق انگلینڈ کے خلاف تین ٹیسٹ میچز کی ہوم سیریز کیلئے پرجوش ہیں۔ اس حوالے سے انہوں نے کہاکہ انگلینڈ کیخلاف ہوم سیریز کے منتظر ہوں، ہمارے لئے انگلینڈ کیخلاف سیریز ایک چیلنج ہو گی۔ہم ٹیسٹ میں اچھا کھیلتے آ رہے ہیں، اسی کو برقرار رکھیں گے، بس اب چھوٹی چھوٹی خامیوں پر قابو پانا ہے، ہمیں اچھی کرکٹ کھیلنا ہے، اور اس کیلئے ہم سب ڈومیسٹک کرکٹ میں میچز کھیلنے پر توجہ دے رہے ہیں۔ انگلینڈ کیخلاف سیریز کیلئے پرجوش اس لیے بھی ہوں کہ جن کھلاڑیوں کو ٹی وی پر ٹیسٹ کھیلتے دیکھا ان کیخلاف یہاں کھیلیں گے، انفرادی گول کے بارے میں نہیں سوچا، اچھی پرفارمنس ٹارگٹ ہے۔ ہوم سیریز سے قبل فوکس قائد اعظم ٹرافی پر ہے، کوشش یہی ہے کہ چار روزہ میچز میں اپنی فارم کو برقرار رکھوں، ہماری فرسٹ کلاس کرکٹ کا بڑا نام ہے، مقابلے کی کرکٹ ہوتی ہے، ہم ڈومیسٹک کھیل رہے ہیں۔، اس لیے لمبے وقفے کے بعد ٹیسٹ کھیلنے سے فرق نہیں پڑے گا۔