لاہور(سپورٹس رپورٹر)انگلینڈ کے ٹیسٹ کرکٹر سٹورٹ براڈ بھی قومی ٹیم کے فاسٹ باﺅلر شاہین کی ہمت کی داد دیئے بنا نہ رہ سکے۔انگلش فاسٹ باﺅلر نے شاہین کی انجری سے متعلق ٹوئٹ پر ردعمل دیا اور فاسٹ باﺅلر کی بہاردی کو سراہا۔سٹورٹ براڈ نے لکھا کہ اگر شاہین انگلینڈ اور نیوزی لینڈ کے خلاف نا کھیل سکے تو یہ ان کےلئے بری خبر ہوگی۔شاہین نے ثابت کیا کہ وہ کتنا بہادر ہے اور اس میں اپنے کھیل کےلئے کتنی لگن ہے کہ اس نے زخمی ہونے کے باوجود بھی فائنل میں گیند کروائی۔