ملتان‘کوٹ ادو‘منڈاچوک ( سماجی رپورٹر خبر نگار‘ نامہ نگار  )چار روزہ 7ویں تھل جیپ ریلی میں شرکت کےلئے ڈرائیورز صحرائے تھل پہنچنا شروع ہوگئے۔ جیپ ریسرز اور شائقین نے چھانگا مانگا ٹیلہ کے آس پاس اپنے مہمانوں اورٹیکنیکل ٹیموں کے ہمراہ خیموں کا شہر آباد کردیا جبکہ ٹورازم ڈویلپمنٹ کارپوریشن عملے کو بھی تعینات کردیا ۔آج سے شروع ہونےوالی چار روزہ تھل جیپ ریلی کیلئے چیک اپ اور18نومبر کوالیفائنگ راو¿نڈ ہوگا جبکہ 19نومبر کو سٹاک کیٹیگری کی گاڑیوں کی ریس اور 20نومبر کو موڈیفائیڈ گاڑیوں اور خواتین ریسرز کی ریس ہوگی۔ 
رات کو فیصل سٹیڈیم مظفرگڑھ میں پوزیشن ہولڈرز کے ناموں کااعلان اور تقریب تقسیم انعامات ہوگی۔ انتظامات کو حتمی شکل دیدی گئی ہے ۔