مڈھوں کی تلفی کےلئے کاشتکاروں کوجدید مشینری فراہم کی جائے، وزیر زراعت

راولپنڈی(جنرل رپورٹر)دھان کے مرکزی علاقوں کا سروے کرکے کاشتکاروں کو مڈھوں کی تلفی کے لئے جدید مشینری کی فراہمی کو یقینی بنایا جائے۔آلودگی سے پاک زراعت کو فروغ دینے کے لئے کاشتکاروں کو آگاہی فراہم کی جائے ان خیالات کا اظہار صوبائی وزیر زراعت سید حسین جہانیاں گردیزی نے فصلوں کی باقیات کی تلفی کے متعلق اجلاس کی صدارت کرتے ہوئے کیا۔اجلاس میں سیکرٹری زراعت احمد عزیز تارڑ اور سموگ کی روک تھام کے لئے قائم جوڈیشل واٹر اینڈ انوائرمنٹ کمیشن کے نمائندگان مس حنا حفیظ اللہ اسحاق اور سید کمال علی حیدرنے خصوصی شرکت کی۔