لاہور (لیڈی رپورٹر) ہوم اکنامکس یونیورسٹی کی وائس چانسلر پروفیسر ڈاکٹر فلیحہ کاظمی نے کہا ہے کہ فلسطینیوں پر اسرائیلی جارحیت و قتل عام انتہائی قابل مذمت ہے۔ تھیٹر فیسٹیول میں اس ایشو کو آرٹسٹس نے عمدہ اداکاری سے اجاگر کیا۔ آرٹ کی تعلیم کو فروغ دینے اور طالبات کی حوصلہ افزائی کیلئے تھیٹر فیسٹیول اہم کردار ادا کرنے میں معاون رہے گا۔ انہوںنے ان خیالات کااظہار ہوم اکنامکس یونیورسٹی کے شعبہ ویژول اینڈ کیمونیکیشن ڈیزائن اور شعبہ انگریزی کے زیر اہتمام انٹریونیورسٹیز تھیٹر فیسٹیول کے موقع پر کیا۔