لاہور(لیڈی رپورٹر) کامسیٹس یونیورسٹی لاہور کیمپس میں تیسویں سالانہ کانووکیشن کی تقریب ہوئی۔ تقریب کے مہمان خصوصی فاونڈنگ ریکٹر کامسیٹس یونیورسٹی اسلام آباد ڈاکٹر سید جنید زیدی تھے جبکہ ریکٹر کامسیٹس یونیورسٹی اسلام آباد پروفیسر ڈاکٹر ساجد قمر اور ڈائریکٹر کامسیٹس یونیورسٹی لاہور کیمپس ڈاکٹر سید اسد حسین مہمانانِ اعزاز میں شامل تھے۔ معزز مہمانوں میں سنڈیکیٹ، اکیڈمک کونسل، ڈین فیکلٹی آف سائنسز،ڈین فیکلٹی آف انجینرنگ ، ڈین فیکلٹی آف بزنس ایڈمنٹریشن ،ڈین فیکلٹی آف انفارمیشن اینڈ ٹیکنالوجی، ڈین فیکلٹی آف آرکیٹیکچر اینڈ ڈیزائن ، چیئرپرسنز، ہیڈ آف ڈیپارٹمنٹس، فیکلٹی اور والدین شامل تھے۔ تقریب کے دوران اعلیٰ کارکردگی کا مظاہرہ کرنے والے 35 طلباءنے کیمپس اور انسٹیٹیوٹ کے سونے، چاندی اور کانسی کے تمغے حاصل کیے۔ مختلف شعبہ جات سے تعلق رکھنے والے 1700 طلبہ میں ڈگریاں تقسیم کی گئیں۔