شکرگڑھ: ماں سے جھگڑنے پر سوتیلے بیٹے نے باپ کو قتل کر دیا

شکرگڑھ (نامہ نگار) تھانہ سٹی کے علاقہ رشید پورہ میں سوتیلے بیٹے نے گھریلو جھگڑے پر مبینہ طور پر باپ کو قتل کر دیا۔گٹھڑی میں بندھی نعش برآمد ہونے پر سوتیلے بیٹے پر مقدمہ درج کر لیا گیا۔ محلہ رشید پورہ میں نوجوان نے مبینہ طور پر اپنے سوتیلے باپ پرویز کو ماں سے جھگڑا کرنے کی بنا پر ٹوکے سے وار کر کے قتل کر دیا۔ملزمان نے قتل کے بعد جائے وقوعہ کو دھو ڈالا اور نعش کو منتقل کرنے کی کوشش کی، جسے اہل محلہ اور پولیس نے ناکام بنا دیا۔