فیروز والہ( نامہ نگار) لاہور روڈ پر مریم اباد سٹاپ کے نزدیک ایک ڈاکو ٹرک کے تلے دب کر ہلاک ہو گیا جس سے ملنے والی رائفل پلاسٹک کی بتائی گئی ہے۔ ڈاکو کی شناخت ناصر علی کے نام سے ہوئی ہے‘ پولیس نے نعش ڈسٹرکٹ ہیڈ کوارٹر ہسپتال منتقل کر دیا ہے۔ ٹرک لاہور جا رہا تھا جس کو کاشف علی نامی ڈرائیور چلا رہا تھا جو ضلع سرگودہ کا رہائشی ہے۔ ٹرک جب مریم آباد کے قریب پہنچا تو کھڑے دو ڈاکوو¿ں نے ٹرک کو روکنے کی کوشش کی‘ نہ رکنے پر ایک ڈاکو ٹرک پر چڑھ گیا اور ڈرائیور کاشف علی کو پکڑ کر اس نے نیچے اتارنے کی کوشش کی۔ ڈرائیور کاشف علی ٹرک پر قابو نہ رکھ سکا اور ٹرک الٹ گیا جس کے نیچے دب کر ڈاکو ہلاک ہو گیا اور اس کا ساتھی فرار ہو گیا۔