لاہور (نامہ نگار) شہر کے مختلف علاقوں میں ڈاکوﺅں اور چوروں نے ڈکیتی اور چوری کی متعدد وارداتوں میں شہریوں سے لاکھوں نقدی، زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ ڈاکو برکی میں کاشف اور فیملی سے 3 لاکھ 50 ہزار روپے، نقدی و طلائی زیورات اور دیگر سامان لوٹ کر فرار ہوگئے۔ مانگا منڈی سے ڈاکو نصیر سے 4 لاکھ 10 ہزار روپے مالیت کی نقدی و موبائل فون، گلشن راوی سے واصف سے 1 لاکھ مالیت کی نقدی و موبائل فون، شاہدرہ سے الیاس سے 4 لاکھ 30 ہزار روپے نقدی و موبائل فون، یکی گیٹ سے ارشد سے 3 لاکھ مالیت کی نقدی و موبائل فون، اسلام پورہ سے عدنان سے 2 لاکھ 60 ہزار روپے نقدی و موبائل، راوی روڈ سے جمیل سے 4 لاکھ نقدی و موبائل فون چھین کر فرار ہوگئے۔ چوروں نے موچی گیٹ، نولکھا، نصیر آباد، غالب مارکیٹ، فیکٹری ایریا، مانگا منڈی سے کاریں جبکہ نیو انارکلی، سمن آباد، لاری اڈا، گجر پورہ، لوئرمال، باغبانپورہ سے موٹر سائیکلیں چوری کر لی ہیں۔