روٹی کی قیمت کے تنازعہ پر کوئٹہ میں 7 روز سے تمام تندور بند‘ شہری پریشان

کوئٹہ (نیٹ نیوز) کوئٹہ میں تندور ایسوسی ایشن کی 7 روز سے جاری ہڑتال کے باعث شہریوں کو شدید مشکلات کا سامنا ہے۔ تندور ایسوسی ایشن نے مقامی انتظامیہ کی جانب سے روٹی کی قیمت کم مقرر کرنے اور کارروائیوں پر احتجاجا تندور گزشتہ 7 روز سے بند رکھے ہوئے ہیں۔ انہوں نے کہا کہ ہم اتنے کم ریٹ پر اگر روٹی بیچیں گے تو خرید کے مال کی لاگت بھی نہیں آئے گی۔