ملکر امریکہ کو عظیم بنائیں گے، ٹرمپ: کیرولین سب سے کم عمر پریس سیکرٹری نامزد  

نیو یارک (نیٹ نیوز) نومنتخب امریکی صدر ڈونلڈ ٹرمپ نے اپنی انتخابی مہم کی ترجمان کیرولین لیویٹ کو وائٹ ہاؤس کی پریس سیکرٹری نامزد کرنے کا اعلان کر  دیا۔  ستائیس سالہ کیرولین لیویٹ امریکی تاریخ میں وائٹ ہاؤس کی سب سے کم عمر پریس سیکرٹری ہیں۔  لیویٹ نے اپنی آبائی ریاست کے ایک کیتھولک کالج سینٹ اینسلم کالج سے مواصلات اور سیاسیات کی تعلیم حاصل کر رکھی ہے۔  نومنتخب صدر نے ایک بیان میں کہا کہ انہیں یقین ہے کہ کیرولین لیویٹ بہترین کارکردگی کا مظاہرہ کریں گی اور امریکی عوام تک ہمارا پیغام پہنچانے میں مدد کریں گی۔ وہ انتہائی ہوشیار اور موثر رابطہ کار ثابت ہوئی ہیں، ہم ملکر امریکا کو دوبارہ عظیم بنائیں۔