گوجرانوالہ، کامونکی(نمائندہ خصوصی )ڈی جی ماحولیات اور ڈپٹی کمشنر نوید احمد کی ہدایت پر سموگ کے تدارک کے پیش نظر ڈپٹی ڈائریکٹر ماحولیات عثمان اظہر کی ٹیم کے ہمراہ بڑی کارروائی، دراجکے، بیگم کوٹ روڈ اور مجوچک روڈ کامونکی میں چھ پائرولیسس پلانٹس کومسمار کر دیا گیا۔ڈپٹی ڈائریکٹر ماحولیات عثمان اظہر نے گذشتہ روز شہر اور گردونواح کے مختلف علاقوں کا دورہ کیا اور ماحولیاتی آلودگی پھیلانے پر میسرز پنجاب پائرولیسز پلانٹ راجباہ روڈ راجہ، دراجکے سادھوکی،میسرز انصر پائرولیسس پلانٹ راجبا روڈ راجہ، میسرز پاک لیدر اینڈ پائرولیسزپلانٹ، بیگ پور روڈ،میسرز عدنان پائرولیسس پلانٹ، دراجکے بیگ پور روڈ،میسرز حافظ تنویر پائرولیسس پلانٹ، مجوچک روڈ اورمیسرز امتیاز پائرولیسس پلانٹ مجوچک روڈ سادھوکی تحصیل کامونکی ضلع گوجرانوالہ کو مسمار کر دیا ہے۔