گگومنڈی: ٹیوب ویل سے موٹر چوری کی کوشش‘ دو نشئی کنوئیں میں گر گئے

گگومنڈی،بورے والا (نامہ نگار،نمائندہ نوائے وقت) ٹیوب ویل سے موٹرچوری کی کوشش،دونشئی کنوئیں میں گرگئے ایک جاں بحق دوسرازخمی۔طیب اورفہیم حافظ آبادکالونی میں لگے ایک ٹیوب ویل سے موٹرچوری کرنے لگے توکنوئیں میں گرگئے۔ تفصیلات کے مطابق گزشتہ شب نواحی گائوں 245۔ای بی کے رہائشی دونشئی طیب اورفہیم حافظ آبادکالونی کے نزدیک ایک ٹیوب ویل کی موٹر چوری کرنے کی کوشش میں وہاں موجودکنوئیں میں گرگئے۔ وقوعہ کی اطلاع ملتے ہی تھانہ گگومنڈی پولیس اورریسکیو1122کے اہلکاروںنے موقع پر پہنچ کر دونوں کو باہر نکالا تو طیب زخموں کی تاب نہ لاتے ہوئے جاں بحق ہو چکا تھا جبکہ فہیم شدید زخمی ہو گیا تھا۔ ریسکیو 1122 نے نعش اور زخمی کو مقامی ہسپتال منتقل کر دیا ہے۔