انڈر19 کرکٹ ٹورنامنٹ دوسرے مرحلے کا آغازآج ہوگا

اسلام آباد (اے پی پی) پاکستان کرکٹ بورڈ کے زیر اہتمام انٹر ریجنز ڈیپارٹمنٹس انڈر19 ایک روزہ کرکٹ ٹورنامنٹ کے دوسرے مرحلے کا آغاز(آج) بدھ سے ہوگا۔ گروپ سی میں اسلام آباد ریجن اور سیالکوٹ ریجن کے درمیان میچ ڈائمنڈ کرکٹ گراﺅنڈ اسلام آباد میں کھیلاجائے گا، کراچی ریجن بی اور ایبٹ آباد ریجن کی ٹیمیں ایبٹ آباد کرکٹ سٹیڈیم میں مدمقابل ہونگی جبکہ لاہور راوی اور پشاور ریجن کے درمیان میچ ارباب نیاز سٹیڈیم پشاور میں کھیلا جائے گا ۔ گروپ بی میں نیشنل بنک آف پاکستان اور سٹیٹ بنک کے درمیان نیشنل کرکٹ گراﺅنڈ اسلام آباد میں کھیلا جائے گا۔