سندھ رینجرزنے امن وامان کی صورتحال برقراررکھنے کے لیے کراچی کے چودہ مقامات پرچھاپے مار کرچون خطرناک ملزمان کوگرفتارکرلیا

رینجرز کے مطابق لیاری، نیاآباد، سرجانی ٹاون، سائٹ، موچکو، سہراب گوٹھ، مبینہ ٹاؤن اور دیگر علاقوں میں کارروائی کی گئی جہاں سے چون خطرناک ملزمان کوگرفتارکرلیا گیا۔ ملزموں کے قبضے سے بھاری اسلحہ، میٹل ڈی ٹیکٹر، بایوکیولر اور پولیس کی وردیاں بھی برآمد ہوئی ہیں۔ ملزمان خود کو پولیس اہلکارظاہرکرکے اہم عمارتوں میں وارداتیں کرتے تھے۔ ذرائع کے مطابق ملزمان کا طریقہ واردات نہایت ہی مختلف ہے جب لاء اینڈ آرڈر کی صورتحال کے لیے ایمرجنسی نافذ کی جاتی تھی تو ملزمان خود پولیس اہلکار ظاہر کرکے اہم مقامات کی تمام اطلاع اپنے نیٹ ورک کو دیتے تھے اور بڑی بڑی کاروائیاں کرتے تھے۔