لاہور (کلچرل رپورٹر) رفیع پیر تھیٹر ورکشاپ کے زیراہتمام 13واں یوتھ پرفارمنگ آرٹس فیسٹیول الحمرا کلچرل کمپلیکس (قذافی سٹیڈیم) میں شروع ہو گیا ہے۔ گذشتہ روز کنیئرڈ کالج فار ویمن، نیشنل کالج فار آرٹس لاہور، دی سٹی سکول ماڈل ٹاؤن، سینٹ انتھونی ہائی سکول فیصل آباد سمیت مختلف اداروں کی ٹیموں نے پرفارم کیا۔ اس فیسٹیول میں ڈرامے، ڈانس اور میوزک میں نوجوان اپنی صلاحیتوں کا مظاہرہ کر رہے ہیں۔