استاد شاگرد پروگرام کامیابی سے جاری، اب تک 48 ہزار طلبہ کو سرٹیفکیٹ دے چکے: عرفان قیصر شیخ

لاہور (سٹاف رپورٹر) چیئرمین ٹیوٹا عرفان قیصر شیخ نے کہا کہ امریکہ کی طرز پرٹیوٹا پنجاب نے استاد شاگرد پروگرم کا آغاز کیا تھا جو کامیابی سے جاری ہے اب تک 48ہزار طلبہ کو اس پروگرام کے تحت سرٹیفکیٹ دئیے جا چکے ہیں وہ ٹیوٹا سیکرٹریٹ میں تقریب سے خطاب کرتے ہوئے انہوں نے کہا کہ ایسے افراد جو ہنرمند تو ہیں لیکن کہیں نوکری کیلئے ان کے پاس کوئی ڈپلومہ یا سند نہیں ایسے افراد کو باقاعدہ سرٹیفائیڈ ٹریڈ بنانے کیلئے ٹیوٹا نے یہ پروگرام شروع کیا ہمارا ہدف ہے کہ اگلے سال 65ہزار افراد کو اس پروگرام کے تحت سرٹیفکیٹ دئیے جائیں گے۔