راولپنڈی(نیوز رپورٹر) پوٹھوار سنگت اکیڈمی کے عہدیداروں نے معروف ادیب و شاعر امین کنجاہی کو اکیڈمی کا چیئرمین منتخب کیا ہے۔افضل منہاس کی زیر صدارت اجلاس میں عہدیداروں نے امین کنجاہی کی ثقافتی و علمی اور ادبی خدمات کو زبردست خراج تحسین پیش کیا۔ شرکاء اجلاس سے خطاب میں نومنتخب چیئرمین کاکہنا تھا کہ وہ فن ثقافت سے وابستہ آرٹسٹ اور نئی آوازوں کا تعلق مضبوط کریں گے۔انہوں نے صوبائی وزیر اطلاعات و ثقافت فیاض الحسن چوہان کو اہم وزارت سنبھالنے پر مبارک باد دی ۔ عنقریب پوٹھوار سنگت اکیڈمی کا وفد وزیراطلاعات سے ملاقات بھی کرے گا۔جس میں پوٹھوار سے متعلق فنون لطیفہ سے متعلق آرٹسٹ برادری کے مسائل پیش کئے جائینگے۔