راولپنڈی(نیوز ڈیسک)نبی کریم ؐ پر درود بھیجنا  اللہ کی سنت  ہے اور کل کائنات کا ذرہ ذرہ نبیؐ پر درود بھیجتا ہے ان خیالات کا اظہار ممبر کینٹ بورڈ حاجی ظفر اقبال نے میلاد کمیٹی نور مدینہ غازی آباد کے دفتر کی افتتاحی تقریب سے خطاب کرتے ہوئے کیا انہوں نے کہا ہے کہ خاتم  النبیین حضرت محمدؐ کی دنیا میں ظہور کی خوشیاں زمین و آسان ہر جگہ منائی جاتی ہیں اور عاشقان رسولؐ اس عیدمیلاد النبیؐ کو بھی پورے جوش و خروش اور عقیدت و احترام سے منائے گی  ۔نبی پاک ؐ کی آمد پر خوشیاں منانے والے  اور نبی کریمؐ کی سیرت پر عمل کرنے والے دنیا  و آخرت میں سرخرو ہوں گے ۔تقریب سے ملک شکیل ، راجہ دائود اور دیگر معززین نے بھی خطاب کیا