بائیوسیکیورببل کی خلاف ورزی پر ٹورنامنٹ سے باہر کردیا جائیگا:پی سی بی 

ملتان (سپورٹس ڈیسک)پاکستان کرکٹ بورڈ نے بآور کردیا ہے کہ وہ کسی کھلاڑی اور میچ آفیشلز کو بائیو سیکیور ببل میں موجود دیگر شرکاء کی صحت کو خطرے میں ڈالنے کی اجازت نہیں دے گا۔ آئندہ بائیو سیکیور ببل کی خلاف ورزی کی صورت میں ٹورنامنٹ سے نکالنے کا انتباہ جاری کردیا گیا ہے۔ ڈائریکٹر ہائی پرفارمنس ندیم خان کا کہنا ہے کہ نیشنل ٹی ٹونٹی کپ کے دوران چند سینئر کھلاڑیوں اور آفیشلز کی جانب سے بائیو سیکیور ببل کی خلاف ورزی کیے جانے پر پی سی بی کو مایوسی ہوئی ہے، ایسا کرنے سے انہوں نیٹورنامنٹ کی ساکھ اور بائیو سیکیور ببل میں موجود اپنے ساتھیوں کی صحت کو خطرے میں ڈالا۔