لاہور (نیٹ نیوز) سعوی عرب کے پاکستان میں سفیر نواف بن سعید المالکی نے نیول ہیڈ کوارٹرز اسلام آباد کا دورہ کیا۔  ترجمان پاک بحریہ کے مطابق سعودی سفیر کی چیف آف دی نیول سٹاف ایڈمرل محمد امجد خان نیازی سے ملاقات اور باہمی دلچسپی کے امور پر تبادلہ خیال کیا گیا۔ نیول چیف اور معزز مہمان نے خطے کی سکیورٹی صورتحال اور دوطرفہ بحری تعاون پر بات چیت کی۔ معزز مہمان نے امیرالبحر کو پاک بحریہ کی کمان سنبھالنے پر مبارکباد پیش کی اور ان کیلئے نیک خواہشات کا اظہار کیا۔