حضورﷺ سے محبت اور عشق ہمارے ایمان کا لازمی جزو ہے: کمشنر

لاہور(سٹی رپورٹر)کمشنر لاہور کیپٹن(ر ) محمد عثمان نے کہا ہے کہ حضورﷺ سے محبت اور عشق ہمارے ایمان کا لازمی جزو ہے۔ کمشنر لاہورنے کہا کہ وزیراعلیٰ پنجاب کی ہدایت پر عشرہ رحمت اللعالمین کو بامقصد پروگراموں کے ذریعے منایا جا رہا ہے۔ لاہور میں سیرت کانفرنسز، مقابلہ ہائے نعت، قرآت اور خطاطی کا انعقاد ہو رہا ہے۔ کتب، دستاویزی پروگرامز، خطاطی اور سیرت پر مبنی فن پاروں کی نمائشیں بھی ہورہی ہیں۔