میکسیکو سٹی ایئرپورٹ کے باہر فائرنگ سے دو افراد زخمی

میکسیکو سٹی (این این آئی) میکسیکو شہر کے انٹرنیشنل ایئرپورٹ کے باہر فائرنگ کے نتیجے میں دو افراد زخمی ہوگئے۔ میڈیا رپورٹس کے مطابق پولیس کا کہنا تھا کہ فائرنگ کے واقعے میں مشتبہ شخص کو گرفتار کرلیا گیا ہے۔ مقامی میڈیا کے مطابق ایئرپورٹ کے ٹرمینل 2  کے قریب فائرنگ ہوئی۔ مسلح شخص نے گاڑی کو نشانہ بنایا۔ ایئرپورٹ حکام نے کہا کہ فائرنگ سے ایئرپورٹ پر آپریشنز متاثر نہیں ہوئے۔