مصطفی آباد/للیانی(نامہ نگار) پولیس نے کارروائی کرتے دو جواریوں سمیت 4افراد کو گرفتار کر کے ان کے قبضہ سے 20لٹر شراب اور داؤ پر لگی رقم برآمد کر لی۔ مقدمات درج کر لئے گئے، تفصیلات کے مطابق ڈی پی او قصور عمران کشور کے احکامات پر ایس ایچ او تھانہ مصطفی آباد رانا صفدرپرویز کی سماج دشمن عناصر کے خلاف کارروائی کے دوران جواء کھیلنے والے دو جواریوں مبین اور یوسف کو دائو پر لگی رقم 17200روپے سمیت گرفتار کر لیا  ۔ سرہالی روڈ سے گرفتارہونیوالے دو منشیات فروشوں کاشف سردار اور امیر حمزہ سے 20لٹر دیسی شراب بر آمد ہوئی۔