میونسپل کارپوریشن مریدکے کے زیر اہتمام مقابلہ حسن قرآت‘ نعت جیتنے والوں میں انعامات تقسیم 

مریدکے(نامہ نگار) میونسپل کارپوریشن مریدکے کے زیر اہتمام مقابلہ حسن قرآت و مقابلہ حسن نعت جیتنے والوں میں انعامات تقسیم کیے گئے۔ اسسٹنٹ کمشنر مریدکے اظہار الحق باجوہ تقریب کے مہمان خصوصی تھے۔ انعامات کی تقسیم سے قبل کارپوریشن ہال میں سیرۃ النبیؐ کانفرنس و محفل میلاد ہوئی۔ جس میں چیف آفیسر میونسپل کارپوریشن مرزا مظفر بیگ، مقصود اصلاحی، رانا عرفان، حافظ مسعود اشرف نے حضرت محمد ؐ کی حیات طیبہ کے مختلف پہلووں پر روشنی ڈالی۔ تقریب کے اختتام پر اسسٹنٹ کمشنر اظہار الحق باجوہ نے عشرہ رحمتہ للعالمینؐ کے تناظر میں کرائے گئے مقابلہ حسن قرآت و نعت جیتنے والے طلبہ سید علی حیدر، منیب معز، آفاق عامر، حافظ محمد شاہنواز، مرزا سعد بیگ میں ایوارڈز اور سرٹیفیکیٹ دئیے گئے ۔ پروگرام منعقد کرانے پر منتظمین رانا وقار غیاث، حسنین حفیظ ، ڈاکٹر رائے امتیاز حسین، میڈم درخشاں عامر، جواد اکرام ، ایم او سجاد حسین کو بھی تعریفی سرٹیفیکیٹ دیئے گئے۔