میانوالی (نامہ نگار) نواحی علاقہ ڈھیر یارو والا میانوالی کے قریب لنک روڈ پر دو موٹر سائیکلوں میں آمنے سامنے ٹکر سے خوفناک تصادم، باپ بیٹا جاں بحق اور دو افراد شدید زخمی ہو گئے۔ ریسکیو 1122 اطلاعات کے مطابق ڈھیر یارو والا لنک روڈ کے قریب دو تیز رفتار موٹر سائیکل آمنے سامنے سے ٹکرا گئے جس سے ایک موٹر سائیکل پر سوار نوجوان الطاف شاہ اور اس کا چار سالہ معصوم بیٹا یامین شاہ موقع پر ہی فوت ہو گئے جبکہ دوسری بائیک پر سوار بلال اور وارث شدید زخمی ہو گئے۔
میانوالی‘ حادثہ
استنبول میں24منزلہ عمارت
میں خوفناک آتشزدگی
انقرہ (این این آئی)ترکی کے سب سے بڑے شہر استنبول میں آگ نے ایک 24 منزلہ رہائشی ٹاور کو تقریبا اپنی لپیٹ میں لے لیا۔ سوشل میڈیا پر سرگرم افراد نے کادیکوئے میں فکرٹیپے کے علاقے میں لگنے والی اس خوفناک آگ کی ویڈیوز شیئر کیں۔ہوٹل کی نچلی منزل سے لگنے والی آگ تیزی سے اوپر کی منزلوں کی طرف پہنچ گئی اور تیزی سے پھیلتی گئی۔ آگ نے تقریبا پوری عمارت کو اپنی لپیٹ میں لے لیا۔استنبول میں فائر ڈیپارٹمنٹ نے ٹویٹر پر لکھا کہ درجنوں فائر فائٹرز نے آتشزدگی پر قابو پانے کیلئے آپریشن میں حصہ لیا۔ آگ کو بجھانے کے ساتھ عمارت میں موجود ہرشخص کو باہر نکال لیا گیا۔ کوئی جانی نقصان نہیں ہوا اور آگ پر قابو پالیا گیا۔استنبول کے میئر اکرم امام اوگلو نے کہا کہ آگ لگنے کی وجہ تاحال معلوم نہیں ہوسکی۔ اس حوالے سے تحقیقات شروع کردی گئی ہیں۔
استنبول آتشزدگی
