کراچی (اسپورٹس رپورٹر)پہلے کراچی بیچ فٹبال کپ 2022 کی تیاریاں ٹورنامنٹ میں 8 ٹیمیں شرکت کریں گی۔ ایونٹ 3 دن تک جاری رہے گا۔ اس سلسلے میں ہاکس بے بیچ پر ٹی شرٹ لانچ کردی گئی۔ تقریب سے ممتاز بزنس مین طاہر ملک نے گفتگو کرتے ہوئے کہا کہ ملک میں پہلی بار بیچ فٹبال کپ منعقد کیا جارہا ہے۔ یہاں کے ساحل سمندر انتہائی خوبصورت ہیں۔ائر کے اسپورٹس مینجمنٹ کے چیف ایگزیکٹو  آفیسر رئیس خان نے کہا کہ امید ہے یہ فٹبال کی سرگرمیوں کے فروغ میں اہم کردار ادا کرے گا۔  ایشلے جانی ڈین نے کہا کہ ایونٹ فٹبال کے انٹرنیشنل رولز اینڈ ریگولیشن کے مطابق منعقد کیا جارہا ہے۔ جس سے کھلاڑیوں کو فٹبال کھیل کی جدید ٹیکنیک سیکھنے میں مدد ملے گی۔ بْلے جی فٹبال کلب کے صدر اعظم بلوچ نے کہا کہ کراچی میں فٹبال کا بے پناہ ٹیلنٹ موجود ہے۔