لاہور(سپورٹس رپورٹر) ٹی 20 ورلڈ کپ کے کوالیفائر راﺅنڈ کے پہلے میچ میں اپ سیٹ شکست کے بعد سری لنکا کےلئے ایک اور مشکل آن پڑی۔ فاسٹ باﺅلر دلشان مدوشنکا انجری کے باعث ٹی ٹونٹی ورلڈکپ سے باہر ہوگئے،آئی سی سی کی ٹیکنیکل کمیٹی نے بنورا فرنینڈو کو فاسٹ باﺅلر کی جگہ ٹیم میں شامل کرنے کی منظوری دےدی ہے۔
فیفا ورلڈکپ دیکھنے جانے والے
مسلم شائقین عمرہ بھی کر سکیں گے
لاہور(سپورٹس رپورٹر)فیفا ورلڈکپ کیلئے قطر جانے والے مسلمان شائقین کیلئے خوشخبری ہے کہ حیا کارڈ رکھنے والے افراد ٹورنامنٹ دیکھنے کےساتھ عمرے کی سعادت بھی حاصل کر سکیں گے۔ سعودی گزٹ کے مطابق قطر کی وزارت خارجہ کے ویزہ ڈپارٹمنٹ کی جانب سے کہا گیا ہے کہ فیفا ورلڈ کپ دیکھنے کےلئے آنے والے مسلم شائقین کو عمرے کی ادائیگی کی سہولت مسیر ہوگی۔
انتظامیہ کا کہنا ہے کہ حیا کارڈ رکھنے والے افراد کیلئے عمرے کا ویزہ مفت ہوگا، ای ویزہ کے تمام اخراجات ریاست برداشت کرےگی تاہم شائقین کےلئے میڈیکل انشورنس حاصل کرنا لازمی ہو گی۔ ویزے کی یہ سہولت 11 نومبر سے 18 دسمبر تک میسر ہوگئی جس کا مطلب ہے کہ ٹکٹ حاصل کرنے والے ورلڈ کپ شروع ہونے سے 10 دن پہلے سے لے کر ٹورنامنٹ کے آخری دن تک ملک میں گھوم سکیں گے۔ویزہ ہولڈرز پر کسی بھی قسم کی پابندی لاگو نہیں ہوگی، وہ جب چاہے ملک میں داخل ہو سکتے ہیں اور جب جانا چاہیں جا سکتے ہیں۔
