لاہور(سپورٹس رپورٹر)کرکٹ کی دنیا کے دو لیجنڈز جاوید میانداد اور ویوین رچرڈز کے درمیان سائیکل چلانے کا مقابلہ دیکھنے میں آیا۔پاکستان کرکٹ بورڈ نے سماجی رابطے کی ویب سائٹ پر ’اس سے بہتر ویڈیو آج ہمیں دکھا دیں، ہم منتظر رہیں گے‘ کے کیپشن کے ساتھ ویڈیو شیئر کی۔ پاکستان جونیئر لیگ کے مینٹور جاوید میانداد اور گوادر شارکس کے مینٹور ویوین رچرڈز نے سائیکلنگ کی۔قذافی سٹیڈیم لاہور میں جاوید میانداد اور ویوین رچرڈز نے سائیکل چلائی، دونوں کے چہروں پر مسکراہٹ اور ماضی کی یادوں کے اثرات واضح طور پر دیکھے جاسکتے ہیں۔خیال رہے کہ پی جے ایل دیکھنے کیلئے آنے والوں میں قرعہ اندازی کے ذریعے سائیکل دی جاتی ہے۔