مخلوق خدا کیلئے آسانیاں  پیدا کی جائیں، عاشق حسین

نواب شاہ (نامہ نگاران) متاثرین بارش و سیلاب کی خیمہ بستی سے حصول تعلیم کیلئے صابو راہو ہائی اسکول جاتے ہوئے حادثے میں جاں بحق ہونے والے میٹرک کے طالب علم گل بہار لغاری کے سوئم کے موقع پرالخدمت خیمہ بستی سکرنڈ میں منعقدہ تقریب میں متوفی کے عزیز و اقارب،اہل علاقہ ،اہلیان خیمہ بستی اور ذمہ داران جماعت اسلامی و الخدمت نے شرکت کی ،اس موقعہ پر گفتگو کرتے ہوئے الخدمت کے رہنماء نے کہا کہ گل بہار کی جوں سال موت نے ہمیں ایک بار پھر یاد دہانی کرائی ہے جوان ہو یا بچہ بوڑھا ،امیر ہو یا غریب ہو۔موت سب کی کسی لمحہ اور کسی وقت بھی واقع ہوسکتی ہے اس لئے ہروقت اور ہرجگہہ ہر حال میں اللہ کے سائے میں رہنے کی کوشش کرنی چاہئے اور ظاہر ہے کہ رب کی رضا کے حصول کیلئے رب پر ایمان کے بعد رب کی مخلوق کیلئے آسانیاںپیدا کرنا اہم ترین عمل ہے اسی مقصد کی خاطر جماعت اسلامی کے نوجوان الخدمت کے بینر تلے انسانوں کیلئے آسانیاں پیدا کرنے کی تگ و دو میں مصروف ہیں ،اس موقعہ پر جماعت اسلامی کے مقامی نائب امیر عاشق حسین پٹھان،الخدمت کے غلام مصطفیٰ منجوٹھو،محراب،فرحان برڑو،متوفی نوجوان کے والد غلام قادراور دیگر موجود تھے