نبی کریم ؐ کی دنیا میں تشریف آوری سے ظلم کے اندھیرے چھٹ گئیمقررین

پھول نگر( نامہ نگار) حضور سیدالمرسلین کی دنیا میں تشریف آوری سے ظلم و بربریت کے اندھیرے چھٹ گئے۔ ان خیالات کا ا ظہار پیر سید ابرار الحسن زیدی، علامہ زین الحسنین صدیقی، پیر سید حسنین علی شاہ و دیگر مقررین نے جامعہ احیا ء العلوم میں منعقدہ شیخ الحدیث و التفسیر علامہ اسحا ق صدیقی رحمتہ اللہ علیہ کے عرس مبارک زیر سرپرستی علامہ ڈاکٹرمفتی ضیا ء الحسنین صدیقی تقریب سے خطاب کرتے کیا۔ تقریب کی صدارت پیر سید علی مرتضیٰ بخاری نے کی، اس موقع پر علامہ زین الحسنین صدیقی نے کہا کہ اللہ پاک نے اپنے پیارے محبوبؐ کو اپنے بندوں میں بھیج کر بہت بڑا احسان کیا۔ کائنات کا ہر ذرہ اٹھا کر دیکھوجواللہ کے نبی کی شان میں گواہی دے رہا ہے۔ تقریب کے آخر میں ملک عبدالرزاق ،عبدالحفیظ عاصم،،ڈاکٹر سعیدالحسن نظامی،ڈاکٹر محمد لطیف،محمد نعیم سلطان ، مکی مدنی فاؤنڈیشن،مرکزی انجمن تاجران دیگر تنظیمات اہل سنت میں شیلڈز تقسیم کی گئیں۔