لاہور( خصوصی نامہ نگار) سپیکر پنجاب اسمبلی سردار محمد سبطین خان نے فلسطینیوں پر اسرائیلی فضائی حملوں کی شدید مذمت کی ہے اور±کہا ہے کہ اس کڑے اور آزمائش کے وقت میں فلسطینیوں کو تنہا چھوڑنا اسلام دشمنی ہے سپیکر پنجاب اسمبلی سردار محمد سبطین خان نے ایک بیان± میں کہا کہ اسرائیل فلسطین جنگ صرف فلسطینیوں کیلئے ہی نہیں بلکہ پوری امت مسلمہ کیلئے امتحان کی گھڑی ہے، بین الاقوامی میڈیا کا بے گناہ فلسطینیوں پر اسرائیلی جارحیت نہ دکھانا بے حسی کی بدترین مثال ہے ۔ سبطین خاں نے کہا کہ غزہ میں ادویات اور غذا کی قلت سے انسانی تاریخ کا بدترین سانحہ جنم لے سکتا ہے ، فلسطینیوں کی حمایت میں اسلامی ریاستوں کی طرف سے جاندار موقف آنا چاہیے۔