عمرہ زائرین احرام پہنے ائیرپورٹ پر خوار

 پی آئی اے کی اندرون و بیرون ملک پروازیں مسلسل تاخیر کا شکار ہیں جس کی وجہ سے مسافر خوار ہو گئے ہیں۔تفصیلات کے مطابق گزشتہ رات سے سیالکوٹ سے جدہ اور ملتان سے جدہ کی پروازیں اڑان نہ بھر سکیں، عمرہ زائرین احرام پہنے ائیر پورٹ پر خوار ہو گئے۔ جدہ اور مدینہ ائر پورٹ پر واپس وطن روانہ ہونے والے زائرین بھی پریشانی کا شکار رہے۔اس کے علاوہ لاہور سے مدینہ منورہ کی پرواز بھی آڑان نہ بھر سکی۔مسافروں نے پی آئی اے کو تیل کی فراہمی کے لئے حکومت سے مداخلت کا مطالبہ کیا۔ ،مسافروں کا کہنا ہےکہ  پی آئی اے حکومت کی ملکیت ہے حکومت فوری کردار ادا کرے اور مسئلے کو حل کرائے۔