اسرائیل فلسطین جنگ کے اثرات بیلجیئم تک پہنچ گئے

اسرائیل فلسطین جنگ کے اثرات امریکا کے بعد بیلجیئم تک پہنچ گئے جہاں برسلز میں ایک شخص نے فائرنگ کرکے 2 سوئیڈش شہریوں کو قتل کردیا۔برطانوی میڈیا کے مطابق حملہ آور خود کو داعش کا رکن کہہ رہا تھا اور اس نے دعویٰ کیا کہ اس نے امریکا میں قتل کیے جانے والے 6 برس کے فلسطینی کا بدلہ لینے کے لیے فائرنگ کی ہے جب کہ فائرنگ کے بعد حملہ آور فرار ہوگیا۔دوسری جانب برسلز میں دہشتگردی کے خطرے کا درجہ بڑھاکر 4 کردیا گیا۔یاد رہے کہ اتوار کو امریکا میں سنگدل نے فلسطینی امریکی بچے کو چاقو کے 26 وار کرکے مار ڈالا تھا، 6 برس کے بچے کی ماں پر بھی چاقو کے درجن بھر سے زائد وار کیے تھے۔اس دوران 71 برس کا حملہ آور جوزف کہتا رہا تھا کہ اس نے یہ حملہ اسرائیل فلسطین جنگ کے سبب کیا ہے اور مسلمانوں کو ہرصورت مرنا ہوگا۔