پاکستانی نامور گلوکار فلک شبیر نے ایک بار پھر اپنی اہلیہ اور شوبز انڈسٹری کی معروف اداکارہ سارہ خان کے لیے دعا کی درخواست کر دی۔
فوٹو اینڈ ویڈیو شیئرنگ پلیٹ فارم انسٹا گرام پر گلوکار نے اپنی اہلیہ و اداکارہ سارہ خان کی ایک تصویر شیئر کی ہے۔
انہوں نے مذکورہ تصویر کے ہمرہ کیپشن میں پرستاروں سے اہلیہ کی صحت کے لیے دعا کی اپیل کی ہے اور بتایا ہے کہ اداکارہ بیمار ہیں.
گلوکار نے مداحوں کو اہلیہ و اداکارہ سارہ خان کی بیماری سے متعلق آگاہ تو نہیں کیا تاہم مذکورہ تصویر میں اداکارہ کو اسپتال کے بستر اور یونیفارم میں دیکھا جا سکتا ہے۔
خیال رہے کہ یہ پہلا موقع نہیں جب فلک شبیر نے سارہ خان کے لیے اس طرح دعا کی ایپل کی ہو، بلکہ اس سے قبل بھی وہ سارہ خان کے بیمار ہونے پر دعا کی اپیل کر چکے ہیں، تاہم اس وقت ان کے یہاں ننھے مہمان کی آمد متوقع تھی.
