لاہور(سپورٹس رپورٹر)آسٹریلیا اور انگلینڈ کے درمیان ایشیز سیریز کے شیڈول کا اعلان کر دیا گیا۔کرکٹ سیزن 26-2025ء میں کرکٹ آسٹریلیا ایشیز سیریز کی میزبانی کرے گا، دونوں ٹیموں کے درمیان پہلا ٹیسٹ پرتھ میں 21 نومبر 2025ء کو کھیلا جائیگا۔برسبین میں دوسرا ڈے نائٹ ٹیسٹ میچ 4 دسمبر سے جبکہ سیریز کا تیسرا ٹیسٹ ایڈیلیڈ میں 17 دسمبر 2025ء سے شروع ہو گا۔باکسنگ ڈے ٹیسٹ 26 دسمبر سے میلبورن جبکہ نیو ایئر ٹیسٹ 3 جنوری 2026ء سے سڈنی میں کھیلا جائیگا۔