لاہور(سپورٹس رپورٹر)قومی ٹیم کے سپنر ساجد خان نے کہا ہے کہ میں جب ڈراپ ہوا تو میری فارم اچھی تھی۔ملتان  میں پریس کانفرنس میں کہا کہ سڈنی ٹیسٹ میں مجھے بلایا گیا تھا۔ شروع میں ڈراپ کیا گیا۔ انگلینڈ کیخلاف سکواڈ کا اعلان ہوا تو بھی میرا نام اس میں نہیں تھا۔ کوئی مسئلہ نہیں تھا۔ اب انہوں نے بلایا  آیا ہوں اور میں نے پرفارمنس وہیں سے شروع کی جہاں رکی تھی۔ ہمارا کام ہے پرفارم کرنا، ملک کیلئے کھیلنا۔ میرے والد آرمی میں تھے اور میں اپنے ملک کیلئے جان کیساتھ اور جذبے کیساتھ کھیلتا ہوں اور لڑ کر کھیلتا ہوں۔ جہاں تک تعلق ہے اس بات کا کہ پچ کیسی ہے۔ پچ اچھی ہو گئی ہے۔ابھی ہم نے انگلینڈ کے چھ کھلاڑی اؤٹ کیے ہیں۔ باقی بھی آؤٹ کریں گے۔ میچ میں پاکستان کی پوزیشن بہتر ہے۔ جوئے روٹ بہت بڑا کھلاڑی ہے۔اسے آؤٹ کرکے بڑی خوشی ہوئی۔ ٹیم انگلینڈ کیخلاف جیتنے کیلئے پرعزم ہے۔