ڈسکہ: پیر کی خاتون سے زیادتی، فیصل آباد،قصورمیں بھی 2بے آبرو

ڈسکہ؍ فیصل آباد/قصور (نامہ نگار/ نمائندہ خصوصی/نمائندہ نوائے وقت) موضع موترہ کی (ک)  بلڈ پریشر کا دم کروانے کیلئے محمد بشیر کے گھر گئی جو بیٹھک میں تنہا موجود تھا، اس نے زبردستی خاتون کے ساتھ زیادتی کر ڈالی، دوسرے واقعہ میں موضع گلوٹیاں موڑ کی (ق) گھرمیں اکیلی تھی کہ اوباش منور گھس آیا، زبردستی زیادتی کر ڈالی۔ فیصل آباد میں اوباش ملزموں نے خاتون اور دو بچوں کو ہوس کا نشانہ بنا دیا۔ رضا آباد کے علاقہ میں اوباش احمد علی اپنی واقف کار خاتون  (ف) کو کام کے بہانے ورغلا کر شمع کالونی میں واقع خالی مکان میں لے گیا۔ زبردستی زیادتی کا نشانہ بنا دیا، جوہر کالونی میں اوباش ملزم  محلہ دار کے پندرہ سالہ بیٹے (ح) کو ورغلا کر  دوست کی بیٹھک میں لے گیا اور اسے زبردستی زیادتی کا نشانہ بنا دیا۔علاوہ ازیںقصور کے نواحی گاؤں چھینہ اوتاڑ میں اوباش نے جواں سالہ لڑکی کو اسی کے گھر میں اسلحہ کے زور پربے آبرو کردیا۔تھانہ کوٹ رادھا کشن میں کرامت علی نے مقدمہ درج کرایا کہ میری بھتیجی17سالہ (ن،ف) کو گزشتہ رات ملزم محمد ساجد نے گن پوائنٹ پر زیادتی کا نشانہ بنایا اور میری بھابی کہ آجانے پرملزم فرار ہوگیا۔