لاکھوں کے ڈاکے‘ شہری قیمتی اشیاء گنوا بیٹھے‘ 4 کاریں‘ 10 موٹر سائیکل چوری

لاہور (نامہ نگار) چوری و ڈکیتی کی وارداتوں میں لاکھوں روپے‘ زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ ڈاکوؤں نے ستوکتلہ میں نصیر کے گھر اہلخانہ  کو گن پوائنٹ پر یرغمال بنا کر 5 لاکھ90 ہزار‘ زیورات، موبائل فون اور دیگر سامان، گلبرگ میں طیب اور اس کی فیملی سے 4 لاکھ روپے، زیورات اور موبائل فون، گلشن اقبال میں فہد سے 3 لاکھ روپے اور موبائل فون، ٹاؤن شب میں منصور سے 2 لاکھ روپے اور موبائل فون، لوئرمال میں تنویر ایک لاکھ 40 ہزار‘ موبائل فون، رائیونڈ سٹی میں خرم سے ایک لاکھ روپے اور موبائل فون، چوہنگ میں وقار سے 65ہزار روپے اور موبائل فون، مزنگ میں عظیم سے 45 ہزار روپے اور موبائل فون، نشتر کالونی میں احد سے 28 ہزار روپے اور موبائل فون، فیصل ٹاؤن میں راشد سے 42 ہزار اور موبائل فون، لاری اڈہ میں عباس سے34 ہزار روپے اور موبائل فون، غازی آباد میں آصف سے 7 ہزار روپے اور موبائل فون لوٹ لیا اور فرار ہو گئے۔ چوروں نے ڈیفنس بی، ساندہ، ہنجروال اور لوئر مال میں سے 4کاریں، لٹن روڈ  سے رکشہ جبکہ شیراکوٹ، نولکھا، مصطفی ٹاؤن، ہنجروال، لیاقت آباد، رائیونڈ، سندر، مصطفیٰ آباد، ساندہ اور بھاٹی گیٹ سے10 موٹر سائیکلیں چوری کر لی ہیں۔