ننکانہ+ سانگلہ ہل (نامہ نگار+ نمائندہ نوائے وقت) مبینہ پولیس مقابلہ میں  2 نامعلوم ڈاکو ہلاک ہوگئے۔ تفصیلات کے مطابق شاہکوٹ کا رہائشی طاہر نواحی گائوں گاہندراں سے موٹر سائیکل پر جا رہا تھا کہ میر پور سٹاپ کے قریب 4  ڈاکوؤں نے  20 ہزار روپے اور موٹرسائیکل وغیرہ چھین کر فرار ہوگئے۔ گاہندراں کے قریب تھانہ صدر شاہکوٹ پولیس نے دو موٹر سائیکلوں پر سوار 4 نامعلوم مشکوک افراد کو رکنے کا اشارہ کیا تو مشکوک افراد نے فائرنگ شروع کر دی۔ پولیس نے بھی جوابی فائرنگ کی اور فائرنگ کے تبادلہ کے دوران دو نامعلوم ڈاکو ہلاک ہوگئے۔ چھینی گئی موٹر سائیکل اور اسلحہ برآمد کر لیا گیا۔